ALLI UF SCHAFFHUUSE

Endlich wieder Cup! Am Samstig, 16.08. gaht s’Abentüür um de Pokal wieder los! 

Die wo Lust hend, chönd sich vorem Match na ufe gmeinsami Grillade uf de Schützi aschlüsse.

Grillade: Ab 12:00 uf de Schützi im B. Getränk und Grillware selber mitbringe!

Es wird heiss, trinked also gnueg Wasser und kenned eui Grenze bim Alk-Konsum. Mir spieled nöd gege de FCS, sondern gege de Erstligist SVS wo sich für de Match ide FCS-Arena het müese ihmiete. Mir treted ihne gegenüber respektvoll uf und verzichtet uf jeglichi Sachbeschädigung im Stadion. 

Abfahrt: 15:28 ab Gleis 9. Im Extrazug herrscht es strikts Rauchverbot!

Zemme immer wiiter!

ALLI IN WISS UF SANKT GALLE!

Nachem erste Punkt gege YB isch endlich de ersti 3er fällig! Mir reised am Samstig, 09.08., alli in Wiss uf Sankt Galle! Mobilisiered eues Umfeld und füllemer zemme de Gästesektor im Sitterstadion!

Abfahrt: 16:05 Uhr ufem Gleis 3.
Dresscode: Alli in Wiss!

Zemme immer wiiter!

ALLI IN ROT AN FANMARSCH IDE STEIBI

Nach dem bittere 4:1 gege de FCZ lömmer euse Chopf nöd hänge – im Gegeteil! Wenn mer am Samstig gege Yverdon chönd günne, isch zumindest schomal d’Barrage fix! Zeigemer de Mannschaft, dass die ganz Stadt hinter ihne staht. Für das treffemer eus alli in Rot zum gmeinsame Fanmarsch zude Schützi!

Wenn: Ab 14:30 Uhr treffe, Abmarsch isch 15:45
Wo: Ide Steibi, höchi Albani

Zemme immer wiiter! Zemme zum Klassenerhalt!