Winti-Fans!
De Fandialog gaht ih die dritti Rundi. Stattfinde wird de am 12. September, gnaueri Ahgabe erhaltet ihr nach eure Ahmeldig. Das Treffe sött allne Winti-Fans d Möglichkeit büüte, mit de aktive Fanszene in Kontakt z’trette, Frage z’stelle, Kritik z’üssere oder eifach en Schwatz z’halte.
Melded eu über de folgendi Link ah um die genaui Ziit und Ort vode Durchfüehrig z’erhalte.
https://forms.gle/Nyf17JCjkPyt3aLc8
Zemme immer Wiiter!
Nachem erste Punkt gege YB isch endlich de ersti 3er fällig! Mir reised am Samstig, 09.08., alli in Wiss uf Sankt Galle! Mobilisiered eues Umfeld und füllemer zemme de Gästesektor im Sitterstadion!
Abfahrt: 16:05 Uhr ufem Gleis 3.
Dresscode: Alli in Wiss!
Zemme immer wiiter!
Nach dem bittere 4:1 gege de FCZ lömmer euse Chopf nöd hänge – im Gegeteil! Wenn mer am Samstig gege Yverdon chönd günne, isch zumindest schomal d’Barrage fix! Zeigemer de Mannschaft, dass die ganz Stadt hinter ihne staht. Für das treffemer eus alli in Rot zum gmeinsame Fanmarsch zude Schützi!
Wenn: Ab 14:30 Uhr treffe, Abmarsch isch 15:45
Wo: Ide Steibi, höchi Albani
Zemme immer wiiter! Zemme zum Klassenerhalt!
Rot und Wiss
es Läbe lang