CARFAHRT UF NYON

Die erst Carfahrt vode Saison staht ah – pack der dini Fründe und chum mit! Mir spieled unter de Wuche, am Ziistig 01.09., uswärts gäge Stade Nyonnais. Wie immer isch de Platz ide Cars beschränkt, meld dich also ziitig ah! 

Ahmelde chammer sich via Emailadresse car@bierkurve-winti.ch , alternativ au Via Whatsapp ufd Nummere [077 512 26 89]

Mir bruched folgendi Infos vo dir: 
– Vollständige Name
– Ahzahl Plätz wod reserviere möchtsch
– Telefonnummere
Wichtig: De Betreff vode Email/Nachricht muess „Carfahrt Nyon“ si!

Chostepunkt p.P. -> 35 CHF.

Abfahrt: 15:00 bim Sektor A!
Dresscode: Jeans, schwarzi Schueh und de Schal isch immer debi!

Zämme immer wiiter!

SCHIFFSFAHRT UF RAPPI!

Aquatischi Fans! Am Fritig, 21.08., fahremer mitem Schiff uf Rappi. Für das reisemer zämme Z’Winti los. Drü Pünkt Ahoi!

Abfahrt: 16:39 ufem Gleis 4!
Dresscode: Jeans, schwarzi Schueh und de Schal isch immer debi!

Zämme immer wiiter!

CUPVILLAINS IM UTOGRUND

Endlich wieder Cup! De Samstig, am 15.08. ziehts eus in Utogrund uf Züri. Hol der am Dunstig-Abig ide Extrabar (18:00-20:00) dis Billet sowie es Cupvillain-Shirt wennd no keis hesch – entsprechend au euse Dresscode! Mir reised mitem Regelzug. 

Abfahrt: 15:52 ufem Gleis 4!
Dresscode: Cupvillain-Shirt, Churzi Hose, schwarzi Schueh und de Schal isch immer debi!

Zämme immer wiiter!